Bu gün Masallıda “Masallı Gənclər Evi” SXM-nin, Lənkəran-Astara Regional Gənclər və İdman İdarəsinin və Masallı Dövlət Regional Kollecinin birgə təşkilatçılığı ilə “Hadrut, sən azadsan” filmi nümayiş etdirilib.
Cenublu.az xəbər verir ki, Azərbaycanın ərazi bütövlüyü və müstəqilliyi uğrunda canlarından keçən şəhidlərin və Ulu Öndər Heydər Əliyevin xatirəsi bir dəqiqəlik sükutla yad edilib.
Qeyd edək ki, filmdə 44 günlük Vətən müharibəsinin parlaq səhifələrindən olan Xocavənd rayonunun Hadrut qəsəbəsinin düşmən işğalından azad olunması (9 oktyabr) əməliyyatından bəhs edilir.
Filmin baş prodüseri Arzu Əliyeva, prodüserləri Orman Əliyev və Nazim Hüseynov, ssenari müəllifi Rasim İsmayılov, quruluşçu rejissoru Cavidan Şərifov, quruluşçu operatorları Ziya Babayev və Əli Əliyevdir.
