Masallıda doğuş zamanı ölən ana ilə bağlı bəzi faktlar məlum olub.
Cenublu.az-ın əldə etdiyi məlumata görə, 4 qız övladı olan ananın dünyaya gələcək körpəsi oğlan olacaqdı. Lakin nə ana, nə də övladı sağ qaldı.
View this post on Instagram
***
Aprelin 23-də saat 00:05 radələrində 1989-cu il təvəllüdlü şəxs 40 həftə 3 gün hamiləliklə Masallı Rayon Mərkəzi Xəstəxanasına daxil olub.
Bu barədə Cenublu.az-ın sorğusuna cavab olaraq TƏBİB-dən məlumat verilib.
Məlumata görə, zəruri tibbi müayinələr aparılıb, doğuşun konservativ-gözləyici taktika ilə aparılması qərara alınıb. Saat 03:00 radələrində hamilənin səhhətində qəfləti pisləşmə müşahidə olunub və aparılan zəruri reanimasiya tədbirlərinə baxmayaraq, saat 03:26-da ölüm faktı qeydə alınıb.
Hazırda ölümün ilkin səbəbinin müəyyənləşdirilməsi istiqamətində müvafiq araşdırmalar aparılır.
11:38
Masallıda doğuş zamanı ana ölümü qeydə alınıb.
Apa.аz xəbər verir ki, Masallı sakini 40 həftəlik hamilə Nərmin Mehbalıyeva doğuş zamanı ölüb.
Faktla bağlı Masallı rayon prokurorluğunda araşdırma aparılır.
