Masallıda Azərbaycan Polisinin yaranmasının 106 illiyi münasibətilə tədbir keçirilib. Bu haqda məlumatı Cenublu.az bu gün, 2 iyul tarixində verir.
İlk öncə rayon başçısı Araz Əhmədov və aparatı, Masallı rayon Polis şöbəsinin rəisi Azay Ağayev, hüquq-mühafizə orqanlarının rəhbərləri və rayon polis şöbəsinin əməkdaşları ulu öndər Heydər Əliyevin abidəsini ziyarət ediblər. İştirakçılar abidə önünə tər güllər düzüb və xatirəsini ehtiramla yad ediblər.
Çıxış edənlər Azərbaycan Polisinin ölkəmizdə təhlükəsizliyin təmin olunmasında göstərdiyi xidmətlərdən söhbət açıblar, polis əməkdaşlarına xoş arzularını çatdırıblar.
Sonda xidmətdə fərqlənən bir qrup əməkdaşa fəxri fərman və mükafatlar təqdim olunub.
