Qarabağ Universitetinin əməkdaşları Masallı və Lənkəran şəhərlərində qəbul imtahanında yüksək bal toplayan abituriyentlərlə görüş keçiriblər. Bu haqda məlumatı Cenublu.az bu gün, 31 iyul tarixində verir.
Görüşlərdə Qarabağ Universitetinin İqtisadiyyat fakültəsinin dekanı Ceyhun Məmmədov və İctimaiyyətlə əlaqələr şöbəsinin müdiri Aytən Quliyeva iştirak ediblər. Hər iki tədbir Lənkəran-Astara Regional Təhsil İdarəsinin müdir müavini Rəhim Rəhimovun açılış nitqi ilə başlayıb. Burada Qarabağ Universiteti haqqında ətraflı məlumat verilib, həmçinin ali təhsil ocağının fəaliyyət istiqamətləri, ixtisaslar barədə təqdimat nümayiş olunub.
Yekunda universitetdə görülən işlər, hədəflər və gələcək planlar barədə geniş məlumatlar verilib və valideynlərin sualları cavablandırılıb.
