Dövlət Ekoloji Təhlükəsizlik Xidmətinin (DETX) əməkdaşları tərəfindən keçirilən növbəti nəzarət tədbirləri zamanı Cəlilabad və Masallı rayonlarının inzibati ərazisində qanunsuz yolla ağac kömürü istehsal edilən kömür quyuları aşkar olunub.
Cenublu.az DETX-yə istinadən məlumat verir ki, araşdırma zamanı qanunsuz kömür istehsalı ilə məşğul olan şəxslərin Cəlilabad rayonu Ataxana kənd sakinləri Pərviz Əhmədov, Rasim Sadıqov, Masallı rayonu Yolağac kənd sakinləri İsrail Abdullayev, Samir Abbasov, Taleh Şahmarov, Vəfa Babakişiyev, Habil Fətəliyev və Afər İbişov olduğu müəyyən edilib.
Faktlarla bağlı adıçəkilən şəxslər barəsində akt və protokol tərtib edilərək qanunamüvafiq tədbir görülüb, kömür quyuları isə ləğv edilib.
