Yeni tədris ilinin ilk dərs günü Biləsuvar rayonu, İsmətli kənd tam orta məktəbinin direktoru Fətağa Əliyev məhkəməyə verilib.
İqtisadiyyat.az xəbər verir ki, bu, direktorun əmək qanunvericiliyini pozması ilə bağlıdır.
Belə ki, F.Əliyev işçini qanunsuz olaraq işdən çıxarmaqda ittiham olunur. Buna görə də Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti məktəb direktoru barəsində İnzibati Xətalar Məcəlləsinin 192.4 və 192.6-cı maddələrinə əsasən cərimə protokolları tərtib edib.
Daha sonra protokollar baxılması üçün rayon məhkəməsinə göndərilib. İş hakim Mədinə Rəsulovanın sədrliyi ilə araşdırılacaq.
