Lerikdən olan “Azərbaycan Bayrağı” ordenli şəhid Əmrah Əkbərovun şəhadətinin 4-cü ildönümü anılıb.
Cenublu.az Lerik İcra Hakimiyyətinə istinadən xəbər verir ki, rayon icra hakimiyyəti başçısı Əkbər Abbasov və digərləri şəhidin, Xüsusi Təyinatlı Qüvvələrin baş leytenantı Əmrah Şahid oğlu Əkbərovun Livədirqə kəndində məzarı üzərinə gül dəstələri düzərək əziz xatirəsini ehtiramla yad ediblər.
Eyni zamanda kənd qəbiristanlığında Vətən müharibəsi şəhidi Davud Xeyrulla oğlu Şirvanovun və ölkəmizin ərazi bütövlüyü uğrunda canını fəda etmiş Əbülfəz Ağaxan oğlu Məmmədovun məzarları ziyarət edilib.
Şəhid Əmrah Əkbərov Azərbaycan Respublikası Prezidentinin müvafiq Sərəncamları ilə “Azərbaycan Bayrağı” ordeni və "Vətən uğurunda", “Cəbrayılın azad olunmasına görə”, “Xocavəndin azad olunmasına görə” medalları ilə təltif olunub.
