Bu gün Vətən müharibəsi şəhidləri – Tamerlan Süleymanov və Firdovsi Tahirovun anadan olduqları gündür.
🥀Tamerlan Xankişi oğlu Süleymanov 1992-ci il martın 1-də Lerik rayonunun Tikəband kəndində anadan olub.
Azərbaycan Ordusunun kiçik giziri olan Tamerlan Süleymanov Vətən müharibəsi zamanı Cəbrayıl və Füzulinin azadlığı uğrunda gedən döyüşlərdə savaşıb. Tamerlan Süleymanov sentyabrın 27-də Füzuli döyüşləri zamanı şəhid olub. Binə Şəhidlər Xiyabanında dəfn olunub.
O, ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə" medalları ilə təltif edilib.
🥀Firdovsi Balaxan oğlu Tahirov 1997-ci il martın 1-də Lerik rayonunun Dico kəndində anadan olub.
Vətən müharibəsi zamanı Murovdağ istiqamətində gedən döyüşlərdə savaşan Firdovsi Tahirov sentyabrın 27-də şəhid olub. Lerik rayonunun Dico kəndində dəfn olunub.
O, ölümündən sonra "Vətən uğrunda", "Cəsur döyüşçü" medalları və "Azərbaycan Bayrağı" ordeni ilə təltif edilib.
