Lerik rayonunun Bibiyani kəndində Vətən müharibəsi şəhidi Həşimov Tərzan Qəhrəman oğlunun şəhadətə qovuşmasının dördüncü ildönümü ilə əlaqədar məzarı ziyarət olunub, xatirəsi ehtiramla yad edilib, ruhuna dualar oxunub.
Cenublu.az Lerik Rayon İcra Hakimiyyətinə (RİH) istinadən xəbər verir ki, anım mərasimində RİH-nin başçısı Əkbər Abbasov, rayonun hüquq-mühafizə orqanları, idarə, müəssisə və təşkilat rəhbərləri və kənd sakinləri iştirak ediblər.
Eyni zamanda Bibiyani kənd qəbiristanlığında Vətən müharibəsi şəhidi Fərziyev Balaş İltizam oğlunun məzarı ziyarət edilib.
Şəhid Tərzan Haşımov ölümündən sonra “Azərbaycan Bayrağı” ordeni, "Vətən uğurunda", “Cəsur döyüşçü”, “Cəbrayılın azad olunmasına görə”, “Füzulinin azad olunmasına görə” medalları ilə təltif olunub.
