Lerikdə ilk dəfə səs verəcək gənclərlə “Sənin səsin-sənin gələcəyin” adlı görüş keçirilib.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, tədbir Heydər Əliyev Mərkəzində idarənin təşkilatçılığı ilə baş tutub.
Görüşün keçirilməsində əsas məqsəd bölgələrdə, xüsusilə də kəndlərdə yaşayan gənclərin seçki sistemi, seçicinin hüquq və vəzifələri barədə maarifləndirilməsi, habelə baş tutacaq seçkilərdə ilk dəfə seçici kimi iştirak edəcək gənclərin məlumatlılıq səviyyəsinin və seçici fəallığının artırılmasıdır.
Görüşdə Milli Məclisinə növbədənkənar seçkilər, seçkinin əhəmiyyəti, seçki hüququndan düzgün istifadə, səsvermə qaydaları, habelə ölkənin iqtisadi-siyasi mənzərəsi, bu sahədə gənclərin rolu barədə ətraflı məlumat verilib.
Yekunda gənc seçiciləri maraqlandıran suallar cavablandırılıb.
