Antiterror əməliyyatı zamanı şəhid olan çavuş Əliyev Zahir Sədi oğlunun il mərasimi keçirilib və məzarı ziyarət olunub.
Cenublu.az Lerik Rayon İcra Hakimiyyətinə istinadən xəbər verir ki, mərasimdə Lerik Rayon İcra Hakimiyyəti başçısı Əkbər Abbasov, Daxili İşlər Nazirliyinin İnsan Alverinə Qarşı Mübarizə baş İdarəsinin rəisi, polis general-mayoru Həzi Aslanov, rayonun hüquq-mühafizə orqanlarının rəhbərləri, şəhid ailələri, qazilər və ictimaiyyət nümayəndələri iştirak ediblər.
Mərasim iştirakçıları Soru kənd qəbiristanlığında Zahir Əliyevin və digər şəhidlərin məzarlarını ziyarət edib, qəbirüstü abidələrinin üzərinə gül-çiçək dəstələri düzərək əziz xatirələrini böyük hörmət və ehtiramla yad ediblər.
Qeyd edək ki, Daxili Qoşunların hərbi qulluqçusu çavuş Zahir Əliyev 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdərə istiqamətində gedən döyüşlərdə şəhid olub.
Ölümündən sonra 3-cü dərəcəli “Vətənə xidmətə görə” ordeni və "Vətən uğrunda” medalı ilə təltif edilib.
