Sentyabrın 21-də Lerikdə şəhid Çingiz Babayevin doğum gününə həsr edilmiş tədbir baş tutacaq.
Cenublu.az sosial şəbəkələrə istinadən xəbər verir ki, tədbir rayonun Mistan kəndində şəhidin valideynləri tərəfindən təşkil olunacaq.
Babayev Çingiz Sulduz oğlu 2001-ci il sentyabr ayının 21-də Lerik rayonu Mistan kəndində anadan olub.
O, 2020-ci il 10 oktyabr tarixində döyüş zamanı yaralanan hərbçi yoldaşını xilas etmək istəyərkən şəhid olub.
Ç.Babayev ölümündən sonra "İgidliyə görə", "Suqovuşanın azad olunmasına görə", "Laçının azad olunmasına görə" və "Vətən uğrunda" medalları ilə təltif edilib.
