Lerikdə "11 Oktyabr - Beynəlxalq Qızlar Günü" münasibəti ilə "Qız uşaqlarına təhsil" mövzusunda tədbir baş tutub. Bu barədə Cenublu.az Lənkəran-Astara Regional Gənclər və İdman İdarəsinə istinadən xəbər verir.
Görüşdə çıxış edənlər qız uşaqlarına səlahiyyət verilməsi, onların hüquqlarının təmin olunması, üzləşdikləri ayrı-seçkilik və zorakılıq hallarına qarşı mübarizə, qızların təhsildən yayınma halları, reproduktiv sağlamlıq, erkən nikah və onun fəsadları kimi aktual məsələləri tədbir iştirakçılarının nəzərinə çatdırıb.
Yekunda iştirakçıların sualları cavablandırılıb.
Tədbir Lənkəran-Astara Regional Gənclər və İdman İdarəsinin təşkilatçılığı ilə həyata keçirilib.
