Lerik Rayon Polis Şöbəsinin əməkdaşları çətin relyef şəraitində narkotik vasitə və psixotrop maddələrin qanunsuz dövriyyəsinə qarşı əməliyyat keçiriblər.
Cenublu.az DİN-in Mətbuat Xidmətinin Lənkəran regional qrupuna istinadən xəbər verir ki, tədbirlərlə əvvəllər məhkum olunmuş 25 yaşlı Vüsal Abdullazadə saxlanılıb.
V.Abdullazadədən ümumilikdə 10 kiloqram marixuana, heroin və metamfetamin, əlavə olaraq 50 ədəd metadon həbi aşkarlanıb.
Araşdırma zamanı müəyyən edilib ki, o, narkotik vasitələri İran vətəndaşından aldığı maddi müavinət və dərman müqabilində göstərilən ünvanlara çatdırmağa razılaşıb.
Faktla bağlı cinayət işi başlanılıb. V.Abdullazadə barəsində həbs qətimkan tədbiri seçilib.
Araşdırma aparılır.
