Lerikdə antinarkotik təbliğatı çərçivəsində məktəblilərlə görüş baş tutub.
Cenublu.az xəbər verir ki, tədbir Günəşli kənd tam orta məktəbində keçirilib. Burada çıxış edən Lerik Rayon Polis Şöbəsinin rəis müavini, polis polkovnik-leytenantı Anar Şıxəliyev bildirib ki, narkomaniya hazırda cəmiyyətin ən böyük qlobal problemlərindən biridir.
Görüşdə həmçinin DİN-in Polis Akademiyası barədə şagirdlərə ətraflı məlumat verilib, təhsil müəssisəsinin yaranma tarixi, inkişafı, ölkəmizdə hüquq elminin inkişafına verdiyi töhfələr, daxili işlər orqanlarının ali təhsilli hüquqşünaslarla təmin olunmasındakı fəaliyyətindən danışılıb.
Tədbir Lerik Rayon Polis Şöbəsi tərəfindən təşkil olunub.
