Lerikdə “Bir Plastik, Bir Can” adlı ekoloji fəaliyyət keçirilib. Tədbirin məqsədi bölgədə plastik tullantıların azaldılması və ətraf mühitin qorunmasıdır.
Cenublu.az xəbər verir ki, yerli gənclər yararsız plastik qablardan əl işləri hazırlayaraq təkrar emal və ətraf mühitin qorunması sahəsində öz yaradıcı bacarıqlarını nümayiş etdiriblər. Bununla yanaşı gənclər müxtəlif plastik materiallardan praktiki və bədii əşyalar hazırlayıblar.
Prosesdə onlar plastik tullantıların necə qiymətli resurslara çevrilə biləcəyini öyrənib, eyni zamanda ətraf mühitin qorunmasının vacibliyini müzakirə ediblər.
Qeyd edək ki, tədbir “Yaşıl dünya naminə həmrəylik ili” çərçivəsində həyata keçirilib.
