“Yaşıl dünya naminə həmrəylik ili” çərçivəsində Lerik və Astara rayonlarında “Yaşıl gələcək naminə” adlı yaşıllaşdırma aksiyası təşkil olunub.
Cenublu.az Dini Qurumlarla İş üzrə Dövlət Komitəsinə istinadən məlumat verir ki, layihə çərçivəsində adıçəkilən rayonların ərazisində yerləşən dini ibadət yerlərinin ətrafında abadlıq və yaşıllaşdırma işləri aparılıb, ağac, gül kolları əkilib.
Aksiyada din xadimləri, dini icma üzvləri və ictimaiyyət nümayəndələri iştirak ediblər.
Aksiya Dini Qurumlarla İş üzrə Dövlət Komitəsi tərəfindən keçirilib.
