“Söz duyğusu, sənət sevdası” şüarı altında keçirilmiş ümumrespublika bədii qiraət müsabiqəsində qalib gələn Lənkəran Dövlət Universitetinin tələbələri ilə görüş keçirilib. Bu haqda məlumatı Cenublu.az bu gün, 6 dekabr tarixində verir.
Adıçəkilən müsabiqədə LDU-nu Filologiya və ibtidai təhsil fakültəsində fəaliyyət göstərən “Yaradıcılıq” qrupunun bir qrup tələbəsi təmsil edib. Fakültənin dekanı Elman Mirzəyev qalib tələbələri universitet rəhbərliyi adından təbrik edib və minnətdarlıq bildirib.
Belə ki, Azərbaycan dili və ədəbiyyat müəllimliyi ixtisasının II tədris ili tələbəsi Günel Əliyeva final mərhələsinə vəsiqə qazanaraq “Nitqin aydınlığı və səlisliyi” nominasiyası üzrə I yerə layiq görülüb. Azərbaycan dili və ədəbiyyat müəllimliyi ixtisasının III tədris ili tələbələri – Adilə Qənbərova II mərhələdə, İstək Maliyeva isə I mərhələdə müvafiq yerlər üzrə sertifikat və hədiyyələrlə mükafatlandırılıblar.
