Cəlilabadda qadın ehtiyatsızlıqdan bıçaq xəsarəti alıb.
Cenublu.az xəbər verir ki, hadisə axşam saatlarında Göytəpə şəhəri ərazisində baş verib.
Belə ki, 24 yaşlı şəhər sakini evdə yaxın qohumları ilə turşu hazırlayarkən ehtiyatsızlıqdan pilləkəndən yıxılıb. Bu zaman əlində olan mətbəx bıçağı qadının qarın nahiyəsinə batıb.
Yaralı dərhal Cəlilabad Rayon Mərkəzi Xəstəxanasına çatdırılıb. Onun müalicəsi hazırda xəstəxanada davam etdirilir.
Faktla bağlı araşdırma aparılır.
