Lənkəran Dövlət Universiteti (LDU) ilə “Quacquarelli Symonds” (QS) arasında müqavilə imzalanıb.
Cenublu.az Lənkəran Dövlət Universitetinə istinadən xəbər verir ki, dünyanın ən nüfuzlu reytinq təşkilatı olan QS-nın regional direktoru Sergey Xristolyubov Lənkəran Dövlət Universitetində olub. Görüşdə LDU-nun rektoru, prof. Natiq İbrahimov universitetdə təhsilin keyfiyyətinin yüksəldilməsi, dünya standartlarına uyğunlaşdırılması, rəqabət qabiliyyətliliyinin artırılması , qarşıda duran hədəflər, universitetin son illərdə beynəlxalq arenada tanıdılması istiqamətində görülən işlərdən və qarşıda duran perspektivlərdən danışıb.
Universitetin “QS Stars” reytinq qiymətləndirilməsinə qoşulmaq, eləcə də QS-in reputasiya sorğularının analitik məlumat bazasına çıxış əldə etmək məqsədi ilə LDU və QS arasında əməkdaşlıq müqaviləsi imzalanıb.
Qeyd edək ki, “QS Stars” beynəlxalq səviyyədə tanınmış keyfiyyət nişanıdır.
