Lənkəran Dövlət Universitetində (LDU) məzun günü keçirilib. Bu haqda məlumatı Cenublu.az bu gün, 29 iyun tarixində verir.
Universitetin rektoru professor Natiq İbrahimov tədbir iştirakçılarını salamlayaraq LDU-nu bitirən bütün məzunları təbrik edib, gələcək həyat yollarında uğurlar arzulayıb. Prof. Natiq İbrahimov LDU-nun 2023/2024-cü tədris ilində qazandığı uğurlardan söz açıb.
Lənkəran Şəhər İcra Hakimiyyətinin başçısı Taleh Qaraşov təbrik çıxışında məzunlara xoş arzularını çatdırıb, onları ümummilli liderin adına layiq çalışmağa, azərbaycançılıq ənənəsinə daim sadiq olmağa, ölkənin rifahı naminə səmərəli fəaliyyətə çağırıb.
Məzun günündə millət vəkili Rüfət Quliyev, Lənkəran–Astara Regional Təhsil İdarəsinin müdiri Bəhruz Mehdiyev və digərləri iştirak ediblər.
Tədbirdə təhsilini uğurla başa vuran məzunlar mükafatlandırılıblar.
Tədbir Lənkəran Dövlət Universiteti tələbələrinin və Lənkəran–Astara Regional Mədəniyyət İdarəsi müsiqiçilərinin ifasında maraqlı konsert proqramı ilə yekunlaşıb.
