Lənkəran Dövlət Universiteti və İspaniyanın Leon Universiteti arasında akademik sahədə ikili əməkdaşlıq müqaviləsi imzalanıb. Bu haqda məlumatı Cenublu.az bu gün, 10 iyul tarixində verir.
Müqaviləyə əsasən, hər iki universitet üçün birgə elmi tədqiqatların aparılması, konfrans, seminar və digər tədbirlərin təşkili, akademik mobillik çərçivəsində universitetlərarası müəllim, mütəxəssis mübadiləsinin həyata keçirilməsi nəzərdə tutulub.
Həmçinin Lənkəran Dövlət Universiteti ilə Rumıniyanın "Dunarea de Jos" Qalati Universiteti arasında Erasmus+KA1 proqramı çərçivəsində müqavilə imzalanıb. Müqavilə universitetlərarası əməkdaşlığın güclənməsi, tələbə-professor/müəllim və inzibati heyətin qarşılıqlı mübadiləsi istiqamətində mühüm şərait yaradacaq.
