Rasim Məmmədov adına Lənkəran şəhər 5 nömrəli məktəbinin və Lənkəran Dövlət Universitetinin məzunu Zeynəb Məmmədli Salyan məktəbinə direktor müavini təyin olunub. Bu haqda məlumatı Cenublu.az bu gün, 10 iyul tarixində verir.
Zeynəb Məmmədli 6 iyul 1993-cü ildə Lənkəran şəhərində anadan olub. Müəllimlərin İşə Qəbulu müsabiqəsində yüksək nəticə göstərərək Lənkərandan təqribən 500 km məsafədə yerləşən Quba rayonun ucqar dağ kəndi – Cimi kəndini seçərək orada pedaqoji fəaliyyətə başlayıb. 2024-cü ilin may ayınadək Salyan rayonu Kərimbəyli kənd orta məktəbində çalışıb.
Direktor müavinlərinin işə qəbulu müsabiqəsinin imtahan və müsahibə mərhələlərindən uğurla keçərək 2024-cü ilin may ayında Salyan rayonu Qarabağlı kənd 2 saylı tam orta məktəbinin təlim-tərbiyə işləri üzrə direktor müavini təyin olunub.
Müxtəlif təlim və seminarlara qoşularaq özünü daim inkişaf etdirən Zeynəb müəllimə İTE Azərbaycan (Təhsildə İnnovativ Texnologiyalar) Mərkəzinin “Təlimçi hazırlığı” hazırlıq kursunu uğurla bitirərək “Təlimçi” sertifaktını alıb. 22-25 avqust 2023-cü il tarixlərində “Gender Hub Azərbaycan” İctimai Birliyinin təşkilatçılğı ilə Böyük Britaniya Hökuməti tərəfindən dəstəklənən Şərq Qonşuluğunda Dayanıqlılığın Artırılması layihəsi çərçivəsində həyata keçirilən “Təhsildə Gender Bərabərliyi Səfiri” Sertifikatına layiq görülüb.
O, həmçinin Azərbaycan Respublikası Elm və Təhsil Nazirliyinin təşkil etdiyi Təhsildə İnkişaf və İnnovasiyalar üzrə qrant müsabiqəsinin 2 dəfə qalibi olub: IV qrant müsabiqəsində “Təhsil-Vətən üçün!” və VII müsabiqəsində “TechnoMan” layihəsi üzrə.
