Lənkəranlı Kərim Axundovun nəvəsi, İsrail ordusunun zabiti Emin Axundov HƏMAS-nin İsrailə hücümu nəticəsində vəfat edib. Bu haqda məlumatı Cenublu.az bu gün, 11 oktyabr tarixində Sumqayıt24-ə istinadən verir.
Sumqayıtda boya-başa çatan Emin Axundovun babası Kərim Axundov Sumqayıt şəhərinin qurub-yaradanlarından biri olub. Mərhumun atası Rəhim və anası Qalina Axundovlar uzun illər Sumqayıtda meteoroloji stansiyada rəhbər vəzifələrdə çalışıblar. Emin və bacısı 14 yaşlarında olarkən İsrailə təhsil dalınca gediblər. Orada hərbi xidmət keçib, çalışıblar.
36 yaşlı Emin Axundov Beer şəhərində gedən döyüşlərdə həyatını itirib. O, Beer Şeva hərbi qəbiristanlığında dəfn olunub. Evli idi, iki övladı qalıb.
