Azərbaycan Respublikası Daxili İşlər Nazirliyinin (DİN) İnsan Alverinə qarşı Mübarizə Baş İdarəsinin sabiq rəisi, polis general-mayoru Şərif Əsədullayevin xatirəsi anılır.
Şərif Kamil oğlu Əsədullayev 1955-ci ildə Lənkəran rayonunun Şağlaser kəndində anadan olub. Bakı Dövlət Universitetinin Hüquq fakültəsini bitirib.
1985-ci ildən daxili işlər orqanlarında çalışıb. 23 yanvar 2014-cü ildə Daxili İşlər Nazirliyinin İnsan Alverinə qarşı Mübarizə Baş İdarəsinin rəisi vəzifəsinə təyin edilib.
Ona 2014-cü ildə ona “polis general-mayoru” ali xüsusi rütbəsi verilib. Ş.Əsədullayev daxili işlər orqanlarında fəaliyyətindəki uğurlu nəticələrinə görə dövlət mükafatına, DİN-in “Qüsursuz xidmətə görə” 3, 2, 1-ci dərəcəli medallarına və digər müxtəlif mükafatlara layiq görülüb. O, 2017-ci ildə xidmətdə olmanın son yaş həddi ilə əlaqədar təqaüdə göndərilmişdi.
O, 2024-cü il yanvarın 17-də vəfat edib.
Qeyd edək ki, Ş.Əsədullayev Qafqaz Müsəlmanları İdarəsinin sədri, şeyxülislam Allahşükür Paşazadənin bacısının həyat yoldaşı idi.
Allah rəhmət eləsin!
