GİKM tərəfindən ölkəmizdə elan olunan "Yaşıl dünya naminə həmrəylik ili"nə həsr edilmiş "Regionun gənc ekosəfirləri" proqramının nəticələri açıqlanıb. Bu haqda məlumatı Cenublu.az bu gün, 30 iyul tarixində Azərtac-a istinadən verir.
Proqram çərçivəsində 16-25 yaş arası 200-ə yaxın gənc qeydiyyatdan keçib. Onlar arasından tələblərə cavab verən 58 nəfər müsahibə mərhələsinə dəvət olunub. Bu mərhələni də uğurla tamamlayan 12 gənc təmsil etdiyi regionun ekosəfiri seçilib.
Uğur qazanan gənclər arasında Lənkəran şəhərini təmsil edən Qulamzadə Gültəkin Yunus qızı seçilib.
Proqramın keçirilməsində əsas məqsəd region gənclərinin iqlim dəyişikliyi, ekologiyaya dair maarifləndirilməsi, bu istiqamətdə gənclərin iştirakı ilə müxtəlif fəaliyyətlərin həyata keçirilməsidir.
