Lənkəran rayonunun Cil kəndindən olan val kolleksioneri kimi tanınan Əli Əkbərov, Şağlaser kənd sənətkarlıq evində çalışır.
O, Azərbaycanın tanınmış müğənnilərinin plastinkalarını yığaraq, evinin bir otağını “səslər muzeyi”nə çevirib.
Kolleksioner deyir ki, elə vaxt olub bir neçə gün ac qalıb, son qəpiyini vala verib, bununla da mənəvi aclığını aradan qaldırıb. Yeni tapıntılar üçün axtarışlarını davam etdirən kolleksioner üçün bu vaxta qədər ən çətin tapılan val Xalq artisti Rübabə Muradovanın albomu olub.
Musiqi vallarından əlavə olaraq korifey sənətkarların afişa və fotolarını da yığan Əli Əkbərov ömrünün 30 ilindən çoxunu bu axtarışlara sərf edib.
Kolleksionerin sözlərinə görə, onda musiqiyə, ədəbiyyata, incəsənətə böyük maraq uşaqlıqdan olub və çalışıb ki, özünün şəxsi arxivi olsun. Beləcə uşaqlıqda radio, televiziya, ekran qarşısında görüb, mahnılarını dinlədiyi görkəmli sənətkarların muğamlarından ibarət vallarını toplayıb.
View this post on Instagram
