Lənkəranda mədəniyyət nümayəndəsinə "Fəxri Fərman" təqdim olunub.
Cenublu.az Lənkəran-Astara Regional Mədəniyyət İdarəsinə istinadən xəbər verir ki, idarənin təşkilatçılığı ilə Astara Dövlət Rəsm Qalereyasının direktoru Naibə Mustafayeva ilə 65 illik yubileyi münasibətilə görüş keçirilib.
Görüşdə Lənkəran-Astara Regional Mədəniyyət İdarəsinin rəisi Bəxtiyar Qılıncov yubilyarı təbrik edərək ona möhkəm can sağlığı və xoşbəxtlik arzulayıb.
Yekunda Naibə Mustafayeva mədəniyyət sahəsindəki xidmətlərinə görə və 65 illik yubileyi münasibətilə Lənkəran-Astara Regional Mədəniyyət İdarəsinin “Fəxri Fərman”ı ilə təltif olunub.
Qeyd edək ki, Mustafayeva Naibə Sabir qızı 15 noyabr 1959-cu ildə Astara şəhərində anadan olub. M.Əliyev adına Azərbaycan Dövlət İncəsənət İnstitutunun mədəni-maarif şöbəsini bitirən N. Mustafayeva 1979-cu ildən rayon mədəniyyət şöbəsinin nəzdində klub müdiri, metodist, rayon mədəniyyət evində bədii rəhbər, Tarix-Diyarşünaslıq Muzeyində baş fond mühafizi, direktor, rayon mədəniyyət evinin direktoru vəzifələrində çalışıb. 2000-ci ildən Astara Dövlət Rəsm Qalereyasının direktoru işləyən N.Mustavayevanın əmək müqaviləsinə noyabrın 15-də çalışmanın yaş həddi ilə əlaqədar xitam verilib.
