Lənkəran rayonunun Daştətük kəndini iki hissəyə ayıran körpü iki aydan çoxdur dağılıb.
Sakinlərdən Cenublu.az-a verilən məlumata əsasən, iyulun 26-dan bəri körpü çöküb:
“Bu körpu kənd sakinlərinin gediş-gəlişi üçün nəzərdə tutulan əsas körpüdür. Artıq yeni tədris ili başlayır, lakin körpü hələ də bərpa olunmayıb. Məktəblilərin 40 faizi çayı keçib dərsə gədə bilməyəcək.”
Qeyd olunub ki, iki aydan çoxdur rayon mərkəzi ilə əlaqə yoxdur. “Hətta Təcili Tibbi Yardım xidmətinin kəndin digər hissəsinə çatması çətinliklərlə qarşılaşır. Payız və qış mövsümü yaxınlaşır, yağış yağdıqda buradan keçmək, demək olar ki, mümkün olmayacaq”, - deyə sakinlər bildiriblər.
