Lənkəranda baş verən kütləvi davada 5 nəfər xəsarət alıb.
Cenublu.az-ın verdiyi məlumata görə, gənclər arasında yaranan kütləvi dava təsadüfən baş verib. İlkin məlumata əsasən, mübahisəyə səbəb tərəflərdən birinin axşam saatlarında kənd yolunda avtomobili yüksək sürətlə idarə etməsi olub. Qarşı tərəfin avtomobili saxlatdırıb irad bildirməsi ilə yaranan münaqişə zamanı gənclərdən biri aldığı zərbənin təsirindən yıxılaraq yol kənarında olan dəmir məhəccərin üstünə düşüb. O, döş qəfəsi nahiyəsindən kəsici-deşici xəsarət alıb.
Kütləvi dava nəticəsində ümumilikdə 5 nəfər xəsarət alaraq Lənkəran Rayon Mərkəzi Xəstəxanasına çatdırılıb.
Qeyd edək ki, hadisə ötən gecə Lənkəran rayonunun Ürgə kəndi ərazisində qeydə alınmışdı.
@cenublu_azLənkəranda baş verən kütləvi davanın bəzi təfərrüatları məlum olub.
