Lənkəran rayonunda yerləşən dini ibadət yerlərində abadlıq, yaşıllaşdırma işləri aparılıb.
Cenublu.az Azərtac-a istinadən xəbər verir ki, “Yaşıl gələcək naminə” aksiyasına dini icma üzvləri, din xadimləri və könüllü ictimaiyyət nümayəndələri cəlb olunublar.
“Yaşıl gələcək naminə” aksiyası cəmiyyətdə ekoloji maarifləndirmə səviyyəsinin yüksəldilməsinə, ətraf mühitin və ictimai məkanların abadlaşdırılmasına töhfə verməklə yanaşı, müxtəlif konfessiyalara mənsub dini icma üzvlərini ümummilli məsələ ətrafında birləşdirmək və ictimaiyyətin diqqətini ətraf mühitin sağlamlaşdırılmasına, yaşıllıqların artırılmasına yönəltmək məqsədi daşıyır.
