Lənkəranda toyuq kəsimi müəssisəsində normativ-hüquqi aktların tələblərinin pozulduğu aşkar edilib. Bu haqda məlumatı Cenublu.az bu gün, 19 avqust tarixində Azərtac-a istinadən verir.
Qida Təhlükəsizliyi Agentliyi şəhərin H.Z.Tağıyev küçəsində yerləşən Əli Əkbərova məxsus toyuq kəsimi obyektində yoxlama keçirib.
Monitorinq zamanı müəssisənin qida təhlükəsizliyi qeydiyyatından keçmədən qanunsuz fəaliyyət göstərdiyi, kəsim prosesində sanitar-gigiyenik tələblərə əməl olunmadığı, toyuq məhsullarının baytarlıq normalarına cavab vermədiyi, işçi heyətin tibbi müayinədən keçmədiyi müəyyən edilib.
Sahibkar barəsində inzibati protokol tərtib edilib. Müəssisənin fəaliyyəti məhdudlaşdırılıb.
