Lənkəranda şəhid Nicat Nəzərlinin doğum günü münasibətilə tədbir baş tutub.
Cenublu.az Lənkəran-Astara Regional Mədəniyyət İdarəsinə istinadən xəbər verir ki, "Tariximiz qürurumuzdur" layihəsi çərçivəsində mərasim Heydər Əliyev Mərkəzinin təşkilatçılığı ilə keçirilib. Tədbirdə Lənkəran Şəhər İcra Hakimiyyəti başçısının müavini Ülviyyə Əliyeva, şəhid ailələrinin üzvləri, müharibə əlilləri, şəhidin təhsil aldığı Ə.Xalıqov adına Rvo kənd tam orta məktəbin müəllim və şagird heyəti, rayon ictimaiyyətinin nümayəndələri iştirak ediblər.
Tədbir iştirakçıları şəhidin şəxsi əşyalarından və fotolarından ibarət sərgi ilə tanış olublar.
Görüş zamanı Nicat Nəzərlinin həyatından bəhs edən videoçarx nümayiş olunub. Daha sonra yağlı boya ilə çəkilmiş Nicat Nəzərlinin portreti şəhidin valideynlərinə təqdim edilib.
