Lənkəran şəhərində bəzi yerlərdə qazın verilişində fasilə yaranacaq.
Cenublu.az Lənkəran Regional Qaz İstismarı İdarəsinə istinadən xəbər verir ki, Lənkəran rayonunun Haftoni qəsəbəsini, RVO, Narbağı, Qurumba, Ballabur, Şağlaküçə, Lüvəsər, Kərgəlan, Talışlı, Ləj, Darquba və Səbir kəndlərini təbii qazla təmin edən ölçü qovşağından qaz təchizatı dayandırılacaq.
Qazın verilişi saat 10:00-dan işlər yekunlaşanadək kəsiləcək.
4150 abonentin qaz təchizatında fasilə yaranmasına səbəb isə Lənkəran şəhəri, Füzuli küçəsində “Dörd yol” adlanan ərazidə tunelin altından keçən su kanalının təmizlənməsi üçün ərazidə texnikanın işləməsinə maneçilik törədən diametri 40 mm-lik qaz xəttinin yerinin dəyişdirilməsi ilə bağlıdır.
