Lənkəranda qanunsuz ağac emalı ilə məşğul olan sexlər aşkar edilib.
Cenublu.az Daxili İşlər Nazirliyinin Mətbuat Xidmətinin Lənkəran regional qrupuna istinadən xəbər verir ki, Lənkəran Şəhər Rayon Polis Şöbəsinin əməkdaşları tərəfindən tədbirlər həyata keçirilib. Nəticədə Təngivan və Qurunba kəndlərində yerləşən iki emal sexində müvafiq normativ sənədlər olmadan müxtəlif cinsli iri ağac gövdələrinin emal olunması üçün dəzgahların qoyulduğu aşkarlanıb.
Aşkarlanan hallarla bağlı həmin emal sexlərinin sahibləri barəsində protokol tərtib edilib və həmin şəxslər inzibati məsuliyyətə cəlb olunublar.
