Bir neçə gün öncə Astarada oğlunu güllələyib qaçan şəxs saxlanılıb.
Daxili İşlər Nazirliyinin Mətbuat Xidmətinin Lənkəran regional qrupundan Cenublu.az-ın sorğusuna cavab olaraq bildirilib ki, şəxsi münasibətlər zəminində oğlu Tural Hüseynova ov silahı ilə xəsarət yetirməkdə şübhəli bilinən Ağaşir Hüseynov polis əməkdaşlarının keçirdikləri tədbirlərlə saxlanılaraq istintaqa təhvil verilib.
Faktla bağlı araşdırmalar davam etdirilir.
Qeyd edək ki, oktyabrın 20-si Sığaloni kəndi ərazisində ata Ağaşir Hüseynov oğlu 33 yaşlı Tural Hüseynovu ov tüfəngi ilə güllələmişdi. T.Hüseynov Lənkəran Rayon Mərkəzi Xəstəxanasının təcili yardım şöbəsinə hospitalizasiya olunmuşdu. Zərərçəkənin vəziyyətilə bağlı həkim Muğdad Kərimov açıqlamasında onun vəziyyətinin ağır olduğunu bildirmişdi.
İlkin məlumata görə, ata və oğul arasında mübahisə sitrus meyvələri üstündə yaranmışdı. Ağaşir Hüseynov hadisə yerindən qaçmışdı.
