Lənkəranda qanunsuz tüfənglər saxlayan şəxslərdən silahlar müsadirə edilib. Bu haqda məlumatı Cenublu.az bu gün, 15 avqust tarixində verir.
Lənkəran ŞRPŞ-nin əməkdaşları yoxlama tədbirləri həyata keçiriblər. Tədbirlər nəticəsinə V.Qurbanov adlı şəxsin qanunsuz olaraq ov etdiyi müəyyən olunub. Ondan 1 ədəd ov tüfəngi və qanunsuz ovladığı çöl quşları tapılıb. Həmin şəxs barəsində protokol tərtib edilərək məhkəməyə göndərilib.
Əlavə olaraq Lənkəran ŞRPŞ-nin əməkdaşları tərəfindən son bir həftə ərzində rayon sakinlərindən müvafiq sənədləri olmayan 12 ədəd tüfəng aşkarlanaraq götürülüb.
Bu istiqamətdə tədbirlər davam etdirilir.
