Lənkəran şəhərində Təmizlik Marafonu çərçivəsində iməciliklər həyata keçirilib. Bu haqda məlumatı Cenublu.az bu gün, 13 avqust tarixində verir.
“Təmiz ölkəm” ümumrespublika təmizlik aksiyası çərçivəsində Xəzər dənizinin Lənkəran sahilinin ərazisindən 600 kq-a yaxın tullantı toplanaraq daşınıb.
“Sıfır Tullantı” həmrəylik marafona Nazirliyin regional idarələrinin əməkdaşları, “Kapital Bank”ın Lənkəran–Astara iqtisadi rayonunda fəaliyyət göstərən filiallarının əməkdaşları, “Qırmızı Ürəklər” Fondunun nümayəndələri cəlb olunublar.
Aksiya Ekologiya və Təbii Sərvətlər Nazirliyi tərəfindən “Kapital Bank”ın 150 illik yubileyi münasibətilə “Qırmızı Ürəklər Fondu” ilə birgə həyata keçirilib.
