Lənkəran Mərkəzi Kitabxanasında Milli Mətbuat və Jurnalistika Gününə həsr olunmuş tədbir keçirilib. Bu haqda məlumatı Cenublu.az bu gün, 22 iyul tarixində verir.
Tədbirdə yerli jurnalistlərlə yanaşı, ölkənin ayrı-ayrı kütləvi-informasiya vasitələrinin və televiziya kanallarının cənub bölgəsində təmsil olunan əməkdaşları iştirak ediblər.
Tədbirdə milli mətbuatımızın keçdiyi çətin və şərəfli yoldan söz açılıb, mətbuatın bütün dövrlərdə qabaqcıl ideyaların carçısı və daşıyıcısı olduğu vurğulanıb.
Sonda Lənkəran Mərkəzi Kitabxanası tərəfindən mətbuat işçiləri Fəxri Fərmanla təltif olunublar və xatirə şəkli çəkdirilib.
