Lənkəran şəhər Azər Məhərrəmov adına 7 nömrəli tam orta məktəbdə “Narkomaniyaya “yox” deyək!” ,"Erkən nikah və onun fəsadları" mövzularında maarifləndirici tədbir keçirilib.
Lənkəran Rayon Polis Şöbəsinin təşkilatçılığı ilə keçirilən tədbirdə Lənkəran Şəhər Polis şöbəsinin xidmət üzrə rəis müavini polis polkovnik- leytenantı İltifat Yusibov, polis mayoru Fazil Bağırov, polis leytenantı Elçin Məmmədov çıxış ediblər.
Görüşdə həmçinin Daxili İşlər Nazirliyinin Polis Akademiyası barədə şagirdlərə ətraflı məlumat verilib, təhsil müəssisəsinin yaranma tarixi, inkişafı və daxili işlər orqanlarında xidmətin şərəfliliyi barədə bəhs olunub.
Tədbirin sonunda məktəbliləri maraqlandıran suallar cavablandırılıb.
