Lənkəran xəstəxanasında 54 yaşlı kişi əməliyyat zamanı dünyasını dəyişib.
Bizim.Media xəbər verir ki, Lənkəran şəhər sakini, Mübariz Şərifov ürəyində yaranan problemə görə xəstəxanaya müraciət edib. Xəstəyə Bakıdan gələn həkim Yusif Abdulov baxıb. O, xəstədə ürək damarlarında tutulma olduğunu bildirib və təcili əməliyyat olunmasını zəruri hesab edib.
Mərhumun yaxınlarının dediyinə görə, həkim onlara əməliyyatın müəyyən səbəblərə görə gecikdiyini deyib. Yalnız dünən axşam saat 12 radələrində məlumat verilib ki, xəstə əməliyyat zamanı ölüb. Yaxınları ölüm faktını həkim səhlənkarlığı hesab edirlər.
Meyit daxili və xarici müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib. Faktla bağlı araşdırma aparılır.
