Lənkəranda "Gənclər Paytaxtı" ilinin çərçivəsində "Dondurma Festivalı" baş tutub.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, "Dosa Mall" Ticarət Mərkəzinin birgə təşkilatçılığı ilə keçirilən festivalda ölkənin müxtəlif rayonlarından gələn Gənclər evlərinin əməkdaşları iştirak ediblər. Belə ki, Bakı Gənclər Mərkəzi, Binəqədi, Sabunçu, Suraxanı, Sumqayıt, Xəzər, Qaradağ və Lənkəran Gənclər evlərinin könüllüləri festivalda maraqlı musiqili çıxışlar və ifalar təqdim ediblər, iştirakçılara əyləncəli anlar yaşadıblar.
Tədbirin məqsədi regionda gənclər siyasətini səmərəli həyata keçirmək, gənclərin fəal iştirakını təmin etmək və onların yaradıcı potensialını üzə çıxarmaqdır.
[URIS id=64898]
