Lənkəranda 5 gündür itkin düşən kişinin meyiti tapılıb. Bu haqda məlumatı Cenublu.az bu gün, 19 iyul tarixində Apa.az-a istinadən verir.
Onun meyiti Lənkərançaydan tapılıb. Belə ki, 48 yaşlı Lənkəran rayon sakini Elşad Xanhəsən oğlu Panayev 14 iyul tarixində balıq tutmaq məqsədilə qurduğu torları yığmaq üçün Velədi kəndi ərazisindən keçən çaya gedib.
Həmin gündən onun barəsində heç bir xəbər olmayıb. Yaxınları onun itməsi barədə aidiyyəti orqanlara məlumat veriblər və E.Panayevin axtarışları başlayıb.
Bu gün kənd sakinləri tərəfindən çayda meyit olduğu aşkarlanıb və hüquq mühafizə orqanlarına məlumat verilib. Meyit çaydan çıxarılaraq aidiyyəti üzrə təhvil verilib.
Qeyd edək ki, balıqçı olan Elşad Panayev uzun müddətdir ki, epilepsiya xəstəliyindən əziyyət çəkirdi. Faktla bağlı araşdırma aparılır.
