Lənkəranda “Cərrahi Əməliyyat Sonrası Qulluq (Maye-Elektrolit Reanimasiyası, Qidalanma, Şok Müalicələri) Təlimi” baş tutub.
Redaktor.az xəbər verir ki, təlim TƏBİB ilə birgə Türk Əməkdaşlıq və Koordinasiya Agentliyi (TİKA) tərəfindən təşkil olunub. Təlimin açılış və sertifikat mərasimində TİKA Bakı Proqram Koordinatoru Hayrettin Özçelik, TƏBİB nümayəndələri, xəstəxana rəhbərləri və həkimlər iştirak ediblər.
TİKA tərəfindən Azərbaycana dəvət olunan Ankara Etlik Şəhər Xəstəxanası Cərrahi Onkologiya Klinikasının təlimçisi Dr. Kazım Çağlar Özçelik bildirib ki, azərbaycanlı həkimlərlə cərrahi əməliyyat sonrası qulluq, maye-elektrolit reanimasiyası və qidalanma dəstəyi haqqında məlumat mübadiləsi aparılıb, müasir dərslik və səhiyyə sahəsinə aid təqdimatları ilə dünya standartlarına uyğun təlimdə iştirak edən həkimlər biliklərini yeniləyiblər.
Proqramda çıxış edən Hayrettin Özçelik bundan sonra da qardaş ölkə Azərbaycanın səhiyyə işçilərinin bilik və təcrübələrinin artırılması məqsədilə təlim layihələrinin davam etdiriləcəyini vurğulayıb.
