Narkotik tərkibli bitkilər yetişdirən Lənkəran sakinləri saxlanılıblar. Bu haqda məlumatı Cenublu.az bu gün, 1 iyul tarixində Daxili İşlər Nazirliyinin (DİN) mətbuat xidmətinə istinadən verir.
Polis əməkdaşlarının keçirdikləri əməliyyat tədbirləri nəticəsində rayon sakinləri Cabir Məmmədov, Məhərrəm Cəbiyev və Yusif Məmmədov saxlanılıblar.
C.Məmmədov və Y.Məmmədovun yaşadıqları evlərin həyətyanı sahələrində, M.Cəbiyevin isə Darquba kəndi ərazisində əkin sahəsində kultivasiya yolu ilə yetişdirdikləri ümumilikdə 20 ədəd çətənə kolu aşkarlanıb.
Faktla bağlı araşdırmalar aparılır.
