Lənkəranda avtomobil 38 yaşlı piyadanı vuraraq öldürüb.
Cenublu.az xəbər verir ki, piyadanın ölümü ilə nəticələnən yol nəqliyyat hadisəsi Lənkəran-Boradigah-Masallı yolunun Lənkəran rayonunun Girdəni kəndi ərazisindən keçən hissəsində baş verib.
DİN-in Mətbuat Xidmətinin Lənkəran regional qrupundan Cenublu.az-ın sorğusuna cavab olaraq bildirilib ki, noyabrın 20-də saat 17:00 radələrində 1990-cı il təvəllüdlü N.Tağıyev idarə etdiyi "Opel" markalı minik avtomobili ilə Lənkəran rayonunun Girdəni kəndi ərazisində hərəkətdə olarkən piyada 1986-cı il təvəllüdlü Ramilə Məmmədovanı vurub. Piyada aldığı xəsarətlərdən ölüb.
Faktla bağlı araşdırma aparılır.
