Lənkəranda kənd məscidinin axundu Taleh Əliyevi bıçaqlamaqda təqsirli bilinən Çingiz Əlizadənin cəzası azaldılıb.
Cənublu.az Report-a istinadən xəbər verir ki, Ali Məhkəmədə hakim Tahir Kazımovun sədrliyi ilə keçirilən iclasda Ç.Əlizadənin cəzası 10 ildən 7 il 10 ay 15 günə endirilib.
Hadisə 2022-ci ilin sentyabrında Lənkəran rayonunun Lüvəsər kənd məscidində baş verib. Ç.Əlizadə sübh namazı zamanı axund Taleh Əliyevə çoxsaylı bıçaq zərbələri endirib.
Lənkəran Ağır Cinayətlər Məhkəməsi tərəfindən 14 il 6 ay cəza verilmiş Ç. Əlizadənin cəzası Şirvan Apellyasiya Məhkəməsi tərəfindən 10 ilə endirilib. İttiham maddəsi isə qəsdən adam öldürməyə cəhdə dəyişdirilib.
