Lənkəranda iki gün əvvəl 43 yaşlı kişini bıçaqlayan şəxs saxlanılıb.
APA məlumat verir ki, şəxsi münasibətlər zəminində aralarında baş verən mübahisə zamanı Lənkəran rayon sakini Şahin Əsgərova kəsilmiş-deşilmiş xəsarət yetirilib. Polis əməkdaşları tərəfindən keçirilmiş əməliyyat-axtarış tədbirləri nəticəsində 30 yaşlı Anar Dadaşzadə saxlanılaraq istintaqa təhvil verilib.
Faktla bağlı cinayət işi başlanılıb, araşdırma aparılır.
Xatırladaq ki, bir neçə gün öncə hadisə barədə xəbər paylaşmışdıq.
