Məktəbəqədər və Ümumi Təhsil üzrə Dövlət Agentliyinin direktorunun müvafiq əmrinə əsasən Lənkəranda 4 məktəbə yeni direktor təyin olunub. Bu barədə “Bizim Lənkəran” facebook səhifəsi məlumat verib.
Belə ki,
- Liman şəhər 2 nömrəli tam orta məktəbinin direktoru vəzifəsinə Afaq İskəndərzadə təyin olunub. A.İskəndərzadə bu təyinatadək Daşdatük kənd ümumi orta məktəbində ümumi işlər üzrə direktor müavini kimi çalışıb.
- Bəlləbur kənd tam orta məktəbinin direktoru vəzifəsinə Səfail Qurbanov təyin olunub. S.Qurbanov bu təyinatadək Kənarmeşə kənd tam orta məktəbində Azərbaycan dili və ədəbiyyatı müəllimi kimi çalışıb.
- Darquba kənd tam orta məktəbinin direktoru vəzifəsinə Faiq Vəliyev təyin olunub. F.Vəliyev bu təyinatadək Yuxarı Nüvədi kənd tam orta məktəbində coğrafiya müəllimi kimi çalışıb.
- Şıxakəran kənd tam orta məktəbinin direktoru vəzifəsinə Elnur Kərəmov təyin olunub. E.Kərəmov bu təyinatadək Vel kənd tam orta məktəbinin direktoru vəzifəsində çalışıb.
