Lənkəranda Milli Qəhrəmanlar Sultanağa Bayramovun, Paşa Təhməzovun və Etibar Əliyevin xatirəsi anılıb.
Cenublu.az xəbər verir ki, anım mərasimində Lənkəran ŞİH-nin başçısı Taleh Qaraşov, ictimai birliklərin, kütləvi informasiya vasitələrinin təmsilçiləri, şəhid ailələrinin üzvləri və ictimaiyyət nümayəndələri iştirak ediblər. Onlar Milli Qəhrəmanların büstləri önünə güldəstələri qoyublar.
İicra başçısı bildirib ki, məhz Heydər Əliyevin çağırışı ilə lənkəranlılar ayağa qalxaraq Azərbaycanın ərazi bütövlüyünü parçalamağa cəhd edən separatçı qüvvələri darmadağın etdilər. Taleh Qaraşov lənkəranlıların hər zaman dövlətin və dövlətçiliyin yanında olduqlarını, bütün siyasi mərhələlərdə öz prinsipial mövqelərini ortaya qoyduqlarını qeyd edib.
Qeyd edək ki, 23 avqust hadisələri zamanı və 1992-ci ildə Zəngilan rayonunun Qazançı kəndi ətrafında gedən döyüşlərdə həlak olan Milli Qəhrəmanlarımızın büstləri əsaslı şəkildə yenidən qurulub.
